Дар ҷаласа бо иштироки комиссари бозӣ, нозири доварон, кормандони Лигаи футболи Тоҷикистон, Федератсияи футболи мамлакат ва  намояндагони «Истиклол»  ва «Регар-ТадАЗ»  масъалаҳои баргузории рақобат  баррасӣ шуд.

Футболбозони «Истиқлол» бо пироҳанҳои сурх ва бозингарони  дастаи «Регар-ТадАЗ» бо либосҳои  сафед ба майдон мебароянд.

Дар сурати мусовӣ анҷом ёфтани вақти асосии бозӣ, ду қисми иловагӣ аз 15 дақиқа таъин карда мешавад. Агар ғолиб боз ҳам муайян нагардад,  бар асоси муқаррароти ФИФА ғолиб бо зарбаҳои 11-метра муайян карда мешавад.

 Ёдовар мешавем, ки бозӣ барои ба даст овардани Суперҷоми Тоҷикистон-2025 миёни дастаҳои «Истиқлол» ва «Регар-ТадАЗ» фардо, 25май,   дар варзишгоҳи марказии шаҳри Ҳисор баргузор мешавад. Оғози бозӣ соати  19:00.

https://t.me/fcistiklol2007/31693